Në arkivat OKB-së janë gjendur foto të periudhës së vitit 1945 në kampet e refugjatëve çamë. Këto foto që janë realizuar nga zyrtarë të Administratës së Kombeve të Bashkuara për Ndihmë dhe Rehabilitim (UNRRA), gjeni pamjet e çamëve të dëbuar.
Në një status në profilin e tij në Facebook, kreu i PDIU, Shpëtim Idrizi thekson se ‘‘aty mund të gjeni pamjet e nënave, baballarëve, gjyshërve e të afërmëve tanë të tjerë të cilët sapo janë dëbuar nga atdheu i tyre pasi atje kanë përjetuar masakrat nga më çnjerëzoret. Ka nga këta njerëz të shtrenjtë tanë që shihni në këtë foto, që janë gjallë por ende po vuajnë, sepse nuk po iu lejohet të vizitojnë tokën ku kanë lindur. Këto pamje të tyre të rraskapitur, të uritur, të përlotur, këmbëzbathur e të tronditur nuk duhen harruar kurrë e janë detyrim e përgjegjësi e jashtëzakonshme morale ndaj nesh që ta vëmë në vend padrejtësinë. Shpërndajini këto pamje në mënyrë që amaneti i të parëve tanë të kalojë brez pas brezi deri sa të përmbushet’’, shkruan Idrizi.
