Për Milkanin, në emisionin e disa ditëve më parë të Fevziut mbi transmetimin ose jo të filmave të komunizmit kishte tendencë dashakeqe.
“Shije të hidhur ka lënë sidomos emisioni ‘Opinion’, i drejtuar nga Blendi Fevziu. Jam i qetë kur gjeta një justifikim për të mos shkuar atje, duke thënë se ato që do t’i them aty i kam dërguar tashmë në Gazetën Shqiptare. 
E pranoj haptas se nuk e pëlqej mënyrën se si moderatori drejton emisionin që ka të përbashkët me Bruno Vespën e madh vetëm gjestikulacionin, por dihet tashmë zotësia e tij për ta futur bisedën në hullinë që i intereson. Në materialet filmike ilustrative që ndërhyhet herë pas here në emision, edhe më naivi e kupton se kishte një tendencë keqdashëse ndaj 240 filmave artistikë të realizuara në gjysmë shekulli”, ka thënë kinoregjisori për “Dita-n”.
