Në Bujanoc është hapur sot qendra Info-Biznes, në kuadër të projektit për njohuri dhe aktivitetet e të rinjve drejt punësimit.
Projektin në fjalë po e implementon Iniciativa qytetare në Bujanoc. Qendra Info-Biznes është një qendër e posaçme, e cila do të shërbejë si ndihmë teknike organizatave jo qeveritare, studentëve, nxënësve të shkollave të mesme për plotësimin e dokumenteve dhe të projekteve të ndryshme ka thënë koordinatorja e projektit Nermine Aliu.
Koordinatorja Nermine Aliu, po ashtu bën të ditur se kjo qendër do të jetë e hapur dy herë në javë në zyrën për të rinj në Bujanoc.
Me këtë rast, po ashtu janë ndarë certifikata për pjesëmarrësit nëpër trajnime të ndryshme në kuadër të projektit, si dhe janë ndarë vërtetime për ata të cilët kanë përfunduar me sukses praktikën nëpër ndërmarrje private. /Lugina Press/
