I ftuar në emisonin “Opinion” , De Biasi qartësoi shumë detaje nga ngjarjet e fundit në kombëtare me kryefjalën “Taulant Xhaka”. Në lidhje me të ai tha: “Ai nuk është se nuk zgjodhi Zvicrën, ishte Zvicra që nuk e zgjodhi atë. Më pas ai erdhi tek Shqipëria. Më bëhet qejfi që është i lidhur me bluzën e kombëtares, e tregoi dhe në rastin e fundit duke i lënë shokët vetëm. Ai nuk luajti kundër Italisë dhe iu duk padrejtësi dhe mendoi të nisej për tek klubi i tij. Për mua ai është një lojtar si të tjerët. Nuk pata debat me të. Ishte në pankinë dhe bëri nxehmje për t’u futur në lojë. Pas ndeshjes më kishte çuar mesazh në orën 1 e gjysmë ku më thoshte se kishte prenotuar një biletë avioni për në Zvicër. I thashë që mund të ikte, s’kishte problem.”
Teksa u pyet se a do të rikthehet Xhaka më në kombëtare, De Biasi deklaroi: “Kjo nuk varet nga unë, kjo varet nga sjellja e tij.” Për raportin me Dukën ai tha: “Është njësoj si me ata që kanë lidhje me kombëtaren, menaxherin dhe drejtorin e ri.”
