Policia e Tiranës ka zbardhur autorësinë dhe rrethanat e plagosjes me armë zjarri të ndodhur më 26 maj 2026 në rrugën “Aleksandër Moisiu”.
Sipas uniformave blu, si rezultat i hetimeve është identifikuar autori i dyshuar i plagosjes për motive të dobëta, shtetasi K.K., 31 vjeç, si dhe dy bashkëpunëtorët e tij, Gj.Ll., 36 vjeç dhe L.M., 45 vjeç, të cilët janë shpallur në kërkim.
Gjithashtu, është gjetur dhe sekuestruar automjeti që dyshohet se është përdorur në vendngjarje.
Ngjarja ndodhi rreth mesnatës së 26 majit, ku mbeti i plagosur në këmbë shtetasi J.H., i cili ndodhet nën kujdesin e mjekëve dhe jashtë rrezikut për jetën.
Policia vijon punën për kapjen e autorëve dhe dokumentimin e plotë të ngjarjes, ndërsa materialet i janë referuar Prokurorisë së Tiranës për veprime të mëtejshme.
