Këtë të hënë u mbajt mbledhja e grupit të Partisë Socialiste, ku një nga pikat është edhe pozicioni që ka marrë ish-ministrja Elisa Spiropali, me qëndrimet që shfaqen me kritikë dhe aludime ndaj situatës në PS.
Mësohet se kryeministri dhe kryesocialisti Edi Rama i ka kërkuar Spiropalit që të ndalë postimet, duke i thënë që nuk duhen drama në parti. Spiroplai ka kërkuar të përgjigjet por nuk është lejuar.
Në retorikën e tij, Rama mësohet t’i jetë drejtuar Spiropalit me fjalët: “O je me ne, ose përballë nesh. Herën e parë nuk votove, të dytën bëre çarçaf, të 3-tën del nga grupi”.
Spiropali tentoi të japë sqarimet e saj, por kryeministri nuk i dha hapësirë për të vijuar reagimin në atë moment.
