Shtetet e Bashkuara njoftuan sot rihapjen e ambasadës së tyre në Venezuelë. Ambasada amerikane në Venezuelë rihapet shtatë vjet pasi ajo u mbyll dhe gati tre muaj pasi Presidenti Nicolas Maduro u kap në një operacion ushtarak.
“Sot, ne rihapim zyrtarisht Ambasadën e Shteteve të Bashkuara në Karakas, duke shënuar një fazë të re në praninë tonë diplomatike në Venezuelë”, njoftoi Departamenti i Shtetit.
Që nga arrestimi i Maduros, zëvendëspresidentja Delcy Rodriguez ka shërbyer si presidente e përkohshme dhe po qeveris nën presionin e Uashingtonit, me Presidentin Donald Trump që shpreh interes të madh për rezervat e mëdha të naftës në vend.
