Ambasada e Shteteve të Bashkuara në Tiranë ka lëshuar një njoftim të rrallë sigurie, duke këshilluar qytetarët amerikanë të shmangin disa lokale në kryeqytet për shkak të rrezikut të mundshëm të dhunës hakmarrëse dhe shqetësimeve për sigurinë. Në paralajmërimin e shpërndarë përmes kanaleve zyrtare, ambasada u bën thirrje shtetasve amerikanë të tregojnë kujdes të shtuar, të shmangin ambientet e përmendura dhe të monitorojnë njoftimet për përditësime të mëtejshme mbi situatën.
Ky njoftim konsiderohet i pazakontë, duke ngritur pikëpyetje mbi nivelin real të kërcënimit dhe zhvillimet që kanë çuar në këtë paralajmërim publik. Deri më tani, autoritetet shqiptare nuk kanë dalë me një reagim zyrtar lidhur me çështjen.
Ambasada amerikane zakonisht publikon njoftime sigurie në raste kur vlerësohet se ekziston një rrezik i shtuar për shtetasit e saj, duke përfshirë situata të mundshme kriminale apo tensione specifike në zona të caktuara. Mbetet për t’u parë nëse autoritetet do të japin sqarime mbi situatën dhe masat e marra për garantimin e rendit dhe sigurisë publike në kryeqytet.
Mesazh për qytetarët amerikanë
Subjekti: Alarm sigurie
Vendndodhja: Tirana
Data/Ora: E premte, 20 shkurt 2026
Ngjarja: Si një masë paraprake sigurie për shkak të mundësisë së dhunës hakmarrëse dhe/ose raportimeve për praktika të padrejta biznesi dhe shqetësime për sigurinë, restorantet e mëposhtme janë të ndaluara për personelin e Ambasadës Amerikane:
Juvenilja
Kështjella Juvenilja
Pastiçeri Venezia
Klubi i Magjisë
Veprimet që duhen ndërmarrë:
Qytetarëve amerikanë u këshillohet të shmangin këto restorante
Monitoroni mediat lokale
Gjithmonë keni një plan emergjence ose strategji daljeje
Mbani një profil të ulët
