Mbrëmjen e sotme, rajoni juglindor i Shqipërisë përjetoi disa lëkundje sizmike të njëpasnjëshme, të regjistruara me interval rreth çdo 10 minutash. Epiqendra sipas Institutit të Gjeoshkencave ka qenë në zonën Hoçisht – Bilisht – Korçë.
Tërmetet kanë qenë me magnitudë deri në 4.1 ballë dhe me thellësi 5–15 km. Lëkundjet u ndjenë më shumë nga banorët e Bilishtit, ndërsa në qarkun Korçë janë raportuar ndjesi të lehta, por nuk ka pasur dëme materiale apo persona të lënduar.
Ekspertët sizmologë e lidhin këtë aktivitet me “swarm sizmik”, një fenomen i zakonshëm në këtë zonë, ku ndodhin seri tërmetesh të vogla njëra pas tjetrës.
Agjencia Kombëtare e Mbrojtjes Civile njofton se situata po ndiqet në kohë reale dhe qytetarët duhet të informohen vetëm nga burime zyrtare për çdo zhvillim të mëtejshëm.
