Kryeministri Edi Rama dhe Ivanka Trump, vajza e presidentit amerikan Donald Trump, zhvilluan mbrëmjen e së mërkurës një darkë pune në qytetin e Vlorës.
Burime bëjnë me dije se në ambientet e restorantit, pak para mbërritjes së Ivanka Trump, është parë të futet edhe një grup polifonik, pjesë e mikpritjes së organizuar për vizitën e saj.
Në darkë ishin të pranishëm gjithashtu përfaqësues të grupit të punës së Ivanka Trump si dhe arkitektë nga vende të ndryshme të botës, në kuadër të investimit që ajo dhe bashkëshorti i saj pritet të realizojnë në ishullin e Sazanit.
Ivanka Trump mbërriti në Vlorë paraditen e së mërkurës, në kuadër të projektit të investimit në ishullin e Sazanit, që do të realizohet nga ajo dhe bashkëshorti i saj.
