Kryenegociatorja për Integrimin Evropian, Majlinda Dhuka, ministrja e Shtetit për Administratën Publike dhe Antikorrupsionin, Adea Pirdeni, si dhe ministri i Shtetit për Marrëdhëniet me Parlamentin, Toni Gogu, po zhvillojnë mesditën e kësaj të marte një konferencë me gazetarët.
konferenca e sotme do të fokusohet në disa nga çështjet prioritare të qeverisë që lidhen me procesin e integrimit të Shqipërisë në Bashkimin Evropian.
Në qendër të vëmendjes do të jenë hapat e ndërmarrë dhe roli i Kuvendit në trajtimin e çështjeve që lidhen me negociatat, veçanërisht në përafrimin e legjislacionit shqiptar me atë të Bashkimit Evropian. Procesi i negociatave synohet nga qeveria të përmbyllet deri në vitin 2027.
Mbajtja e kësaj konference vjen edhe si pjesë e porosisë së kryeministrit Edi Rama në mbledhjen e fundit të grupit parlamentar të Partisë Socialiste, që anëtarët e kabinetit qeveritar të rrisin komunikimin me mediat dhe publikun, veçanërisht për temat që përbëjnë prioritetet kryesore të qeverisë.
