Në gjyqin për atentatin ndaj ish-prokurorit Arjan Ndoja, dëshmoi Ramazan Rraja. Ai deklaroi se nuk ka pasur konflikte me askënd përpara arrestimit dhe se disa të pandehur i ka njohur vetëm në burg.
Rraja tha se ka përdorur një numër telefoni në vitin 2019, të regjistruar në emrin e tij, dhe kishte WhatsApp-in e instaluar, por nuk kishte përdorur aplikacione të enkriptuara. Ai pohoi se nuk kishte siguruar kushte për ngjarje të ndonjë personi dhe nuk kishte automjete në përdorim në momentin e arrestimit.
Ai nuk njihte Arjan Ndoj, Vullnet Muçën, Aleksandër Lahon dhe të tjerë, përveçse i kishte parë në televizor. Po ashtu, Ramazan Rraja tha se nuk kishte detyrime financiare ndaj të pandehurve dhe nuk kishte dijeni nëse familjarët e tij janë takuar me familjen e Genci Malokut, i cili mbeti viktimë e atentatit.
Ndërkohë, Bashkim Haxhia dhe Endrit Sinani kanë refuzuar të dëshmojnë. Prokurori Adnan Xholi kërkoi që në seancën e ardhshme të merren në pyetje dy të pandehurit Plaurent Dervishaj dhe Juliaj Meccaj.
