Më shumë se 50 protestues kanë humbur jetën gjatë gati dy javëve protesta në Iran, të cilat janë nxitur nga pakënaqësia e qytetarëve për rritjen e kostove të jetesës. Lajmi është bërë i ditur sot nga një organizatë norvegjeze për të drejtat e njeriut.
Sipas organizatës Iran Human Rights, të paktën 51 protestues, mes tyre nëntë të mitur nën moshën 18 vjeç, janë vrarë gjatë 13 ditëve të para të raundit të ri të protestave mbarëkombëtare. Po ashtu, qindra persona të tjerë janë plagosur si pasojë e përplasjeve gjatë demonstratave.
Organizata ka shprehur shqetësim të thellë për përdorimin e forcës ndaj protestuesve dhe ka bërë thirrje për respektimin e të drejtave të njeriut dhe hetim të pavarur të ngjarjeve.
