Ministri i Mbrojtjes, Pirro Vengu, nëpërmjet një postimi ka njoftuar ardhjen e sistemeve “Javelin” në Shqipëri, duke e cilësuar këtë zhvillim si një hap të rëndësishëm për forcimin e kapaciteteve mbrojtëse të vendit.
Vengu ka nënvizuar se këto sisteme vijnë falë bashkëpunimit me aleatin strategjik, Shtetet e Bashkuara të Amerikës.
Sipas ministrit, pajisja e Forcave të Armatosura me sisteme moderne rrit ndjeshëm aftësitë parandaluese, ndërveprueshmërinë me NATO-n dhe sigurinë kombëtare.
“Ardhja e sistemeve Javelin, falë bashkëpunimit me aleatin tonë strategjik SHBA, forcon aftësitë mbrojtëse të Forcave të Armatosura Shqiptare, rrit parandalimin, ndërveprueshmërinë me NATO-n dhe sigurinë kombëtare.”- ka thënë ai në postim.
