Në seancën plenare të së mërkurës, zv.kryeministrja e Shqipërisë, Belinda Balluku, njëkohësisht ministre e Infrastrukturës dhe Energjisë reagoi ashpër ndaj akuzave të deputetëve të opozitës, duke i quajtur ato sulme personale të motivuara politikisht.
Gjatë fjalës së saj në Kuvend, Balluku deklaroi se qëllimi i këtyre sulmeve është të mbulohen, sipas saj, dështimet dhe humbjet elektorale të Partisë Demokratike përgjatë viteve të fundit.
Duke iu drejtuar deputetëve të PD-së, ministrja tha se akuzat ndaj saj lidhen drejtpërdrejt me performancën dhe rezultatet e arritura në detyrë.
“Opozita nuk i fal sukseset. E kam të qartë pse jam objekt i këtij sulmi personal, pasi ju nuk i falni suksesin politik njeriut që punon, madje as atyre që dallojnë në radhët tuaja. Ju nuk i falni tetë humbjet në 12 vitet e fundit dhe përmes sulmeve personale ndaj meje përpiqeni të mbuloni dështimin tuaj,” u shpreh Balluku.
“PS e vetmja parti me një ofertë politike. Ju keni emrin PD por nuk keni lidhje me demokracinë brenda partisë. Për të qenë pranë faraonit Sali duhet të mos kesh shtyllë kurrizore dhe të jesh kameleon që ndryshon qëndrim politik brenda 24 orëve.
Do të dëshironim një opozitë serioz që nuk ka luftë personale me askënd.
Ju keni mare të vdekurit dhe i keni sjellë në foltore…”, tha ai.
