Në Koçan, familjarët e viktimave të tragjedisë së rëndë në diskotekën “Puls” marshuan përsëri rrugëve të qytetit, në kuadër të protestës së përjavshme “Marshi për engjëjt”. Ata mbajtën në duar fotografitë e të afërmve të tyre që humbën jetën në ngjarjen tragjike të marsit, duke shprehur dhembjen, revoltën dhe kërkesën e tyre të pandërprerë për drejtësi.
Familjarët theksojnë se qëllimi i marshimeve të tyre është vendosja e përgjegjësisë për tragjedinë ku 63 persona humbën jetën dhe mbi 200 të tjerë u plagosën.
Më 19 nëntor do të nisë procesi gjyqësor për ngjarjen e rëndë në Koçan, ku 34 persona pritet të ulen në bankën e të akuzuarve, të cilët do të përballen me akuza për krime të rënda kundër sigurisë publike.
