Një përplasje e ashpër politike ka nisur mes sekretares së Partisë Demokratike të qendrës së majtë në Itali, Elly Schlein, dhe kryeministres italiane Giorgia Meloni.
Gjatë fjalës së saj në Kongresin e Partisë Socialiste Europiane që po mbahet në Amsterdam, Schlein deklaroi se “në Itali, që nga ardhja në pushtet e ekstremit të djathtë, liria dhe demokracia janë në rrezik”. Ajo shtoi gjithashtu se “javën e kaluar, në Firence, kryeministrja italiane tha se opozita është më e keqe se Hamasi”.
Schlein shprehu solidaritetin e saj edhe për gazetarin e televizionit publik Rai, Sigfrido Ranucci, i cili sipas saj, u përball me një “sulm të rëndë” një ditë më parë.
Kryeministrja Meloni reagoi menjëherë përmes një postimi në platformën “X” (ish-Twitter), duke e cilësuar deklaratën e Schlein si “delirante”.
Turp, Elly Schlein, që udhëton dhe përhap gënjeshtra, duke hedhur hije të papranueshme mbi kombin që, si anëtare e parlamentit dhe lidere partie duhet ta përfaqësosh dhe ta mbështesësh”, shkroi Meloni.
