Takimi mes presidentit amerikan Donald Trump dhe homologut ukrainas Volodymyr Zelensky në Shtëpinë e Bardhë u zhvillua pa tensione, por edhe pa rezultate konkrete për Kievin.
Sipas mediave amerikane, Zelensky kishte shpresuar të siguronte miratimin për furnizimin me raketa Tomahawk, por u largua nga Uashingtoni pa marrë ndonjë zotim.
Kjo ka shkaktuar zhgënjim në Ukrainë, ku pritej që vizita të sillte mbështetje të re ushtarake.
“Është mirë që presidenti Trump nuk tha ‘jo’, por për sot ai nuk tha ‘po’,” u shpreh Zelensky për NBC News, duke lënë të hapur mundësinë që vendimi të ndryshojë në të ardhmen.
Trump, nga ana e tij, tha se gjatë bisedës i kishte kërkuar si Zelenskyt, ashtu edhe presidentit rus Vladimir Putin, të ndalin menjëherë luftimet dhe të arrijnë një marrëveshje paqeje.
“Ata duhet të ndalen aty ku janë. Le të pretendojnë të dy se fituan dhe le ta vendosë historia,” shkroi ai në rrjete sociale.
Bisedimet pritet të vazhdojnë javën e ardhshme në Budapest, ku do të zhvillohen takime diplomatike mes SHBA-së, Rusisë dhe Ukrainës.
