Ish-kryetari i Bashkisë së Vlorës, Ermal Dredha, u takua këtë të mërkurë në godinën e Bashkisë me pasardhësin e tij, Elis Halili, të cilin e uroi për marrjen e detyrës.
Në postimin e tij në Facebook, Dredha shprehu besim të plotë në kapacitetin e Halilit dhe ekipit të tij: “Me bindjen dhe besimin që do të bëjë më të mirën për qytetin, i uroj Elisit dhe gjithë ekipit, punë të mbarë në mirëmbajtjen dhe zhvillimin e Vlorës së bukur!”
Elis Halili është emëruar kryetar i komanduar i Bashkisë së Vlorës, pas dorëheqjes së Dredhës.
Ai është inxhinier me përvojë në projekte lokale dhe më parë ka shërbyer si një nga nënkryetarët e Bashkisë.
