Në një mesazh zyrtar, Dimal Basha i shprehu urimet më të sinqerta Niko Peleshit për besimin e marrë si kryetar i Kuvendit të Republikës së Shqipërisë, duke theksuar rëndësinë e bashkëpunimit institucional dhe lidhjeve vëllazërore midis dy kuvendeve.
postimi:
Në emër të Kuvendit të Republikës së Kosovës dhe në emrin tim personal, i shpreh urimet më të sinqerta z. Niko Peleshi për besimin e marrë me rastin e zgjedhjes së tij në detyrën e Kryetarit të Kuvendit të Republikës së Shqipërisë.
Kuvendet tona kanë qenë dhe do të mbeten gjithmonë pranë njëri-tjetrit, duke forcuar bashkëpunimin institucional dhe duke ndërtuar ura vëllazërie për të mirën dhe mirëqenien e qytetarëve tanë.
Kryetarit të ri të Kuvendit të Republikës së Shqipërisë i uroj punë të mbarë dhe suksese të shumta. Mezi pres të takohemi e të bashkëpunojmë ngushtë për të thelluar lidhjet tona institucionale dhe vëllazërore, ashtu siç edhe presin dhe e meritojnë qytetarët tanë në të dy anët e kufirit.
