Zvicra dhe Kosova përballen të premten në Basel, me startin nga ora 20:45, në nismë të kualifikimeve për Kupën e Botës 2026.
‘Dardanët’ zhvilluan sot seancën e fundit stërvitore para nisjes për në Zvicër, ku synojnë të arrijnë një rezultat sa më pozitiv.
Janë konfirmuar edhe gjyqtarët e sfidës, me Szymon Marciniak, gjyqtarin e njohur polak, që do të udhëheqë këtë përballje.
Edhe gjyqtarët e tjerë do të jetë polakë, me Tomasz Listkiewcz dhe Adam Kupsik, që do të jenë anësor. Pritet një atmosferë impozante në Basel, pasi shumë shqiptarë kanë blerë bileta për të përkrahur Kosovën në këtë përballje.
