Një 44-vjeçar është arrestuar nga policia e Shkodrës pasi akuzohet për ndezjen e një zjarri të qëllimshëm, me qëllim djegien e mbetjeve në ambientet e një subjekti që ai menaxhon. Si pasojë e këtij veprimi, është shkaktuar ndotje e ndjeshme e mjedisit në lagjen “Bahçallëk”.
Sipas njoftimit zyrtar nga Policia e Shkodrës, Gentian Gjuhca, 44 vjeç, banues në Shkodër, është kapur në flagrancë mbrëmjen e djeshme, rreth orës 20:30, në momentin që kishte ndezur zjarr për djegien e mbetjeve në oborrin e subjektit të tij.
Veprimi i tij jo vetem qe ka rrezikuar shëndetin e banorëve perreth per shkak te ndotjes së ajrit, por ka ngritur shgetësime të mëdha në komunitet për mundesine e perhapjes se flakeve edhe ne zona te tjera.
Prokuroria pranë Gjykatës së Shkallës së Parë të Juridiksionit të Përgjithshëm Shkodër ka marrë në dorë dosjen dhe ka nisur procedurat për katër vepra penale:
-“Menaxhimi i mbetjeve”,
-“Ndotja e ajrit”,
-“Ndotja e ujërave”,
-“Fshehja e të ardhurave”.
Policia e Shkodrës ka bërë thirrje publike për qytetarët që të jenë të kujdesshëm me veprimet që mund të dëmtojnë mjedisin ose të rrezikojnë jetën e të tjerëve, duke paralajmëruar se rastet e tilla do të përballen me forcën e ligjit.
