Në kalatat e Portit të Durrësit gjatë 7 muajve të parë të këtij viti janë përpunuar 128 mijë njësi kontejnerike.
Sektori i Kontejnerëve në Autoriteti Portual Durrës ka shënuar performancë pozitive gjatë 7 muajve të parë të këtij viti, duke regjistruar një rritje prej 9% në volumet e përpunuara (TEU), krahasuar me periudhën janar–korrik 2024.
Kjo rritje dëshmon për performancën e lartë të terminalit në ofrimin e shërbimeve ndaj operatorëve logjistikë dhe tregut rajonal, duke e konsoliduar më tej rolin e Portit të Durrësit si një nyje kyçe për qarkullimin e mallrave në rajon.
Me kapacitete në zgjerim dhe përmirësim të infrastrukturës, Porti i Durrësit po vazhdon të rrisë standardet e shërbimit dhe të tërheqë gjithnjë e më shumë flukse tregtare ndërkombëtare.
