Një fenomen i rrallë që ndodh gjatë fazës së hënës së re do të shfaqet këtë fundjavë. Ai quhet ‘Hëna e zezë’, pasi hëna vendoset pothuajse midis Tokës dhe Diellit: ana e saj e ndriçuar është përballë Diellit, ndërsa ana përballë Tokës mbetet e zhytur në errësirë.
Kjo është arsyeja pse në këtë fazë hëna nuk është fare e dukshme në qiellin e natës.
“Hëna e zezë” e këtij viti është hëna e tretë e re e verës, ndërsa e katërta do të shfaqet më 21 shtator, vetëm një ditë para ekuinoksit vjeshtor në Hemisferën Veriore.
Edhe pse fenomeni do të jetë në qiell, ai nuk do të jetë i dukshëm, pasi ana e ndriçuar e hënës do të jetë e kthyer nga ana tjetër; kështu, do të duket sikur është zhdukur.
