Rafa Leao nuk do të jetë i pranishëm në ndeshjen e parë të kampionatit ndaj Cremonese-s.
Sulmuesi portugez ka kryer sot ekzaminimet mjekësore për të vlerësuar dëmtimin e pulpës së djathtë, të pësuar të dielën në ndeshjen e Kupës së Italisë ndaj Barit.
Rezultatet konfirmuan një traumë, që e detyron të mungojë në këtë përballje.
Leao do të vlerësohet ditë pas dite në prag të transfertës së Milanit ndaj Lecces, që do të zhvillohet të premten, më 29 gusht, në orën 20:45.
Gjendja e Leao-s ka ndikim edhe në operacionet e merkatos së Milanit.
Deri sa të ketë siguri për kohën e rikuperimit të portugezit, klubi nuk do të japë dritën jeshile për largimin e Noah Okafor, i cili është afër një transferimi te Leeds për rreth 21 milionë euro.
