Rreth orës 17:00 të pasdites së sotme, në aksin rrugor “Maliq–Moglicë”, një automjet ka dalë nga rruga pasi dyshohet se drejtuesi i tij, shtetasi A. D., 43 vjeç, humbi kontrollin mbi mjetin.
Si pasojë e aksidentit, janë dëmtuar drejtuesi i mjetit dhe pasagjerja J. D., të cilët po marrin trajtim mjekësor në spital dhe ndodhen jashtë rrezikut për jetën.
Grupi hetimor po vijon punën për të sqaruar shkaqet dhe rrethanat e ngjarjes.
