Dy persona janë vënë në pranga nga Policia e Lushnjës, pas ndjekjes së informacioneve operative.
Njëri prej tyre, 40-vjeçari Roberton Cerria, akuzohet për tentativë për marrëdhënie seksuale me dhunë ndaj një 35-vjeçareje. Ndërsa 34-vjeçari Olsi Duka është ndaluar për vjedhjen e disa motomjeteve elektrike në një biznes në fshatin Savër.
Të dy personat ishin në kërkim dhe janë ndaluar në bashkëpunim me Policinë e Sarandës.
Njoftimi i policisë:
Lushnjë/Vijojnë kontrollet për kapjen e shtetasve të shpallur në kërkim.
✅Tentoi të kryente marrëdhënie seksuale me dhunë, me një 35-vjeçare, vihet në pranga.
✅Kapet bashkautori i një vjedhjeje në një biznes në fshatin Savër, kryer në muajin qershor.
Si rezultat i kërkimeve të bazuara te informacionet siguruara në rrugë informative, me objektiv kapjen e shtetasve të shpallur në kërkim, shërbimet e Komisariatit të Policisë Lushnjë, në bashkëpunim me shërbimet e Komisariatit të Policisë Sarandë, lokalizuan dhe ndaluan shtetasit:
-R. C., 40 vjeç, i shpallur në kërkim për veprën penale “Marrëdhënie seksuale me dhunë me të rritura”, mbetur në tentativë, pasi dyshohet se më datë 06.07.2025, ka tentuar të kryejë marrëdhënie seksuale me dhunë, me një 35-vjeçare, në banesën e saj;
-O. D., 34 vjeç, pasi Gjykata e Fierit i ka caktuar masën e sigurisë “Arrest në burg”, për veprën penale “Vjedhja”. Ai akuzohet se në bashkëpunim me shtetasin E. P. (të arrestuar më datë 28.06.2025), kanë vjedhur në një biznes në fshatin Savër, 4 motomjete elektrike dhe sende të tjera.
Materialet procedurale iu referuan Prokurorisë së Fierit, për veprime të mëtejshme.
