Disa ngjarje kriminale janë regjistruar në orët e fundit në qarkun e Lezhës, duke çuar në ndalime dhe procedime penale.
Një 38-vjeçar u arrestua për dhunë në familje, ndërsa disa persona të tjerë po procedohen për zjarrvënie të qëllimshme në toka dhe prona private.
Në Kurbin është kallëzuar një rast vjedhjeje në një magazinë, ndërsa në Mirditë janë raportuar konflikte fizike dhe dëme nga një zjarr i dyshuar si aksidental. Policia vijon hetimet për identifikimin dhe kapjen e autorëve.
Njoftimi i policisë:
Drejtoria Vendore e Policisë Lezhë
Specilistët për Hetimin e Krimeve të Komisariatit të Policisë Lezhë ndaluan shtetasin e shpallur në kërkim E. L., 38 vjeç, banues në Ishull Lezhë. Gjykata e Lezhës e ka dënuar me 1 vit e 2 muaj burgim, për veprën penale “Dhuna në familje”;
-referuan materialet në Prokurori, ku nisi procedimi në gjendje të lirë për shtetasin B. N., 50 vjeç, banues në Lezhë, pasi dyshohet se dje, në lagjen “Kodër Marlekaj”, ka ndezur zjarr dhe si pasojë është djegur në një sipërfaqe toke;
-referuan materialet në Prokurori, ku nisi procedimi në gjendje të lirë për shtetasen D. S., 66 vjeçe, banuese në fshatin Pllanë, pasi dje, ka kallëzuar shtetasi Gj. L., 61 vjeç, se dyshon që ajo ka djegur disa pemë frutore në pronën e tij.
Specialistët për Hetimin e Krimeve të Komisariatit të Policisë Kurbin:
-referuan materialet në Prokurori, pasi ka kallëzuar shtetasi A. L., 54 vjeç, banues në Laç, se më datë 09.07.2025 ka konstatuar vjedhjen e disa pajisjeve të ndryshme dhe mjeteve pune në ambientet e magazinës së tij, në aksin rrugor “Mamurras-Tiranë”. Punohet për identifikimin dhe kapjen e autorëve të vjedhjes;
-referuan materialet në Prokurori dhe shpallën në kërkim shtetasin L. N., 67 vjeç, banues në fshatin Gjormë, i dyshuar për zjarrvënie në një sipërfaqe toke me bimësi. Punohet për kapjen e tij.
Specialistët për Hetimin e Krimeve të Komisariatit të Policisë Mirditë:
-referuan materialet në Prokurori ku nisi procedimi në gjendje të lirë për shtetasit G. Gj., 32 vjeç, banues në fshatin Orosh, dhe K. N., 58 vjeç, banues në fshatin Kaçinar, pasi dje, në Rrëshen, janë konfliktuar fizikisht me njëri-tjetrin, për motive të dobëta;
-referuan materialet në Prokurori, për vlerësim, pasi më datë 09.07.2025, rreth orës 14:00, në lagjen “Sholth”, në fshatin Zall Xhuxhë, dyshohet se për shkak të një shkëndije elektrike, ka rënë zjarr dhe si pasojë janë djegur rreth 12 dynymë kullotë dhe 27 koshere bletësh, në pronësi të shtetases M. Gj., banuese në fshatin Petoç.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
