Kryeministri Rama, në takim me kryebashkiakët në Durrës iu përgjigj kritikëve në lidhje me aksionet e ndërmarra për lirimin e hapësirave publike dhe prishjen e objekteve pa leje.
“Nga ana tjetër për të gjithë që thonë që Pse u kujtuan tani dhe pse i lanë këto, kjo është një betejë e përditshme dhe nëse nuk fillojnë të gjitha hallkat dhe mbi të gjitha nëse strukturat e pavarur të drejtësisë nuk është në dispozicion të kësaj përpjekjeje dhe nuk është e gatshme zbatimin e ligjit, por përkundrazi është si një kullesë makaronash, ku gjërat rrjedhin dhe faktet e kryera mbeten në territor, kjo është një përpjekje që kjo duhet të shfaqet hera herës deri sa të gjithë ta ndajnë mendjen se nuk ka asnjë llogari që të nxjerrë fitues duke bërë ndërtime pa leje”, theksoi Rama.
Ai u ndal sërish te situatra me ndërtimet pa leje në Theth. “Në Theth ne kemi bërë një plan të tërë pune, kemi bërë legalizimet e ndërtimeve të vjetra”, tha ai, ndërsa foli për një reformë në çdo bashki.
“Duhet të bëjmë një reformë që të përfshijë Inspektoratin e Mbrojtjes të Territorit, policia bashkiake, IMT, zyrat e urbanistikës”.
