Sipas informacionit paraprak të Policisë, rreth orës 12:00, shtetasi P. P., banues në fshatin Sanxhak, dyshohet se është dëmtuar aksidentalisht teksa po kryente riparime në një mjet pune brenda territorit të gurores. Fatkeqësisht, për shkak të dëmtimeve të marra, ai ka ndërruar jetë në vend.
Një ngjarje tragjike është shënuar mesditën e sotme në një gurore në zonën e Mamurrasit, ku një 38-vjeçar ka humbur jetën si pasojë e një aksidenti gjatë punës.
Në vendngjarje ndodhet grupi hetimor, i cili po punon për të sqaruar rrethanat e ngjarjes dhe për të përcaktuar shkakun e saktë të humbjes së jetës.
