Një tërmet me magnitudë 4.0 i shkallës Rihter është regjistruar mëngjesin e sotem në orën 08:59 me orën lokale. Epiqendra ndodhej rreth 16 kilometra në veriperëndim të Tiranës dhe 8 kilometra në jug-juglindje të Krujës, në një thellësi prej 10 kilometrash.
Sipas të dhënave të siguruara nga Instituti i Gjeoshkencave, Universiteti Politeknik i Tiranës, lëkundja u ndje në disa zona të Shqipërisë qendrore, përfshirë kryeqytetin dhe rrethinat e tij.
Deri më tani nuk raportohet për dëme materiale apo të lënduar. Institucionet përkatëse po monitorojnë situatën.
