Viti 2024 ka rezultuar pozitiv sa I përket zhvillimit të fermave. Instat bën të ditur se nga 263 mijë gjedhë numri shkoi në 272 mijë me një rritje prej 3.3 për qind.
Megjithatë, numri i lopëve ra në 224 mijë krerë. Edhe tek delet ka një rënie 1 milionë arritën në 968 mijë krerë. numri i dhive po ashtu është ulur me 2,2%, nga 512 mijë në 501 mijë krerë.
Prodhimi i përgjithshëm i qumështit është ulur me 2,7%, duke kaluar nga 900.569 tonë në vitin 2023 në 876.688 tonë në vitin 2024.
Në rastin e Derrave nga 115 mijë numri zbriti në 104 mijë krerë.sa I përket pulave situate paraqitet thuajse e pandryshuar.
Megjithatë bletaria ka njohur shtesë të ndjeshme. Kosheret janë shtuar me 13,2%, nga 519 mijë në vitin 2023 në 587 mijë koshere në vitin 2024.
Në këtë situatë edhe sasia e mjaltit është rritur me 5,4%, nga 5.633 tonë në 5.940 tonë.
Sa I përket prodhimit bujqësor Drithërat arritën në 649.919 tonë, me nivelin më të lartë të prodhimit në Qarkun Fier me 149.252 tonë, ndjekur nga Elbasani dhe Korça. Perimet regjistruan një prodhim prej 1.424.404 tonë, me rritje 2,9 %, krahasuar me një vit më parë. Fieri, Tirana dhe Berati janë qarqet me prodhimin më të lartë.
Patatja shënoi rritje me 1,3 %, duke arritur në 277.824 tonë, ku qarku Korçë kryeson. Fasulet dhe bimët medicinale shënuan rritje përkatësisht me 4,6 % dhe 7,7 %, ndërsa bimët industriale pësuan rënie me 7,9 %.
Prodhimi i pemëve frutore arriti në 295.532 tonë, duke shënuar rritje prej 3,1 %, me Qarkun Korçë si kontribuesin kryesor.
