Sot në orën 16:00 u hodh shorti për turin e parë kualifikues të Ligës së Konferencës, ku skuadrat shqiptare mësuan rivalët e tyre.
Partizani do të përballet me estonezët e Nomme Kalju, ndërsa Vllaznia do të luajë kundër letonezëve të Daugavpils. Për Partizanin pritet një transfertë e largët, ndërsa Vllaznia do të zhvillojë ndeshjen e parë në Shkodër.
Malisheva nuk ishte me fat në short, pasi do të sfidojë Vikingur, ndërsa Deçiq do të përballet me Sileksin.
Ndeshjet e para do të luhen më 10 korrik, ndërsa ato të kthimit më 17 korrik.
Ndërkohë, Dinamo e trajnerit Ilir Daja e nis rrugëtimin e saj nga turi i dytë, pas përjashtimit të skuadrës irlandeze Drogheda United, çka i dha një avantazh të papritur skuadrës shqiptare.
