Një zjarr ka përfshirë pasditen e sotme vendgrumbullimin e mbeturinave në lagjen rome Drizë në Fier, duke shkaktuar shqetësim në zonë për shkak të përhapjes së tymit.
Në vendngjarje ka ndërhyrë menjëherë shërbimi zjarrfikës, i cili po punon për neutralizimin e flakëve, që janë përhapur në afërsi të ish-kompleksit industrial Azotiku.
Ndërkohë, retë e tymit janë shpërndarë në të gjithë zonën, duke krijuar probleme me ajrin e ndotur për banorët përreth. Nuk raportohet për të lënduar, ndërsa shkaku i zjarrit mbetet ende i paqartë.
