Kryetari i Partisë Mundësia, Agron Shehaj ka deklaruar se asnjë votë që ka shkuar për këtë forcë politike më 11 maj nuk do të preket.
Me anë të një postimi në rrjetet sociale, Shehaj flet për një skenar të grabitjes së një mandati të Partisë Mundësia, por thekson se kjo nuk ka për të ndodhur.
Sipas Shehajt kjo është ‘përpjekje e dëshpëruar nga partitë e vjetra që nuk duan të ndryshojnë’.
“Nuk mund të bërtasësh për farsë zgjedhore, dhe pastaj të vjedhësh një mandat në tavolinë. Kjo është hipokrizi. Dhe nuk do të ndodhë”, shkruan Shehaj.
Dy mandate. Dy votëbesime. Të ndershme. Të padiskutueshme. Dhe askush nuk do t’i rrëmbejë. Askush.
Ajo që po përpiqen të bëjnë është një grabitje. Një tjetër përpjekje e dëshpëruar nga partitë e vjetra që nuk duan të ndryshojnë.
Nuk mund të bërtasësh për farsë zgjedhore, dhe pastaj të vjedhësh një mandat në tavolinë. Kjo është hipokrizi. Dhe nuk do të ndodhë!
E kemi thënë më parë dhe po e themi sërish: votat tuaja nuk preken. Çdo votë për Partinë Mundësia është një votë për ndryshimin, dhe nuk do të preket, nuk do të tjetërsohet, nuk do të vidhet.
