Bizneset dhe individët kanë marrë kredi më të lira në muajt e parë të këtij viti. Banka e Shqipërisë, bën të ditur në raportin e publikuar së fundmi, mbi treguesit e ekonomisë, se interesat e kredisë së re në lek janë shfaqur relativisht të qëndrueshme dhe në nivele të ulëta në 3-mujorin e parë 2025.
Sipas BSH-së, interesi i kredisë së re për biznese rezultoi mesatarisht 6,4% në tremujorin e parë të vitit, duke mbetur i pandryshuar nga tremujori i kaluar dhe lehtas më poshtë se mesatarja e vitit 2024, prej 6,6%.
Për individët, normat janë ulur për kreditë konsumatore në 8.2%, nga 8.5% që shënonin në tremujorin e fundit të vitit të kaluar. Norma e interesit për kreditë hipotekore shënoi 3,7% këtë tremujor, duke mbetur e njëjtë me atë të tremujorit paraardhës.
Po ashtu, në të njëjtin trend kanë qenë edhe normat e interesit për kreditë në euro të cilat kanë vijuar rënien në tremujorin e pare.
Lehtësimi i shpejtë i politikës monetare nga BQE-ja është reflektuar në normat referencë të monedhës Euro në tregun ndërkombëtar, duke diktuar rënie të interesave të kredisë në Euro në vend.
Interesi mesatar i kredisë së re në Euro për bizneset shënoi 5,7% në tremujorin e parë, nga 6,1% që ishte në gjashtëmujorin e dytë të vitit të kaluar. Ndërkohë, interesi mesatar i kredisë hipotekare në Euro për individët, pas rënies së shpejtë në tremujorët e mëparshëm, regjistroi një ulje minimale prej 0,1 % këtë tremujor, duke u ndalur në 4,8%.
Tremujori i parë i këtij viti është karakterizuar edhe nga një rënie e lehtë e interesave të depozitave në lek,
