Aktivistja shqiptaro-amerikane Evi Kokalari ka reaguar përsëri në lidhje me ecurinë e rezultatit të zgjedhjeve parlamentare të 11 majit, ku Sali Berisha dhe koalicioni i tij PD-ADSHM po korrin një humbje të thellë.
Ajo tregon edhe një nga arsyet kryesore të humbjes, duke i kujtuar kreut të selisë blu diskutimeve gjatë periudhës së Foltores së dikurshme.
Kokalari thekson se tani, për shkak të mosbesnikërisë së tij ndaj parimeve të hershme, humbi jo vetëm zgjedhjet, por as non grata nuk iu hoq.
“Nëse Sali Berisha do t’i kishte ndenjur besnik asaj çfarë diskutuam përpara foltoreve, sot do të ishte kryeministri i sapozgjedhur. Tashti, humbi dhe zgjedhjet dhe non-grata nuk j’u hoq. Humbës në të gjitha frontet!”, shprehet Kokalari me një postim në rrjetin social Facebook.
