Policia e Tiranës ka vënë në pranga Ardian Ahmetajn, i kërkuar për veprime të rrezikshme dhe të lidhur me një grup kriminal. Ahmetaj, i cili fshihej në Greqi, është arrestuar në Pire, me qëllim ekstradimi drejt Shqipërisë.
Strukturat e Policisë së Shtetit kanë siguruar informacion për një shtetas të kërkuar që fshihej në Greqi dhe menjëherë, nëpërmjet Interpol Tiranës, kanë bashkëpunuar me homologët grekë për lokalizimin, kapjen dhe arrestimin e personit me rrezikshmëri të lartë shoqërore.
Ardian Ahmetaj, në vitin 2019 në Lushnje në bashkëpunim me Laert Haxhiu dhe Orges Bilbili, kanë vrarë me armë zjarri shtetasin Besnik Hida, i shpallur në kërkim ndërkombëtar nga Gjykata e Fierit.
