Nga takimi përmbyllës në Fier, Gazment Bardhi u ka bërë thirrje votuesve të pavendosur të mos votojnë për Belinda Ballukun, e cila është drejtuese politike e PS në këtë qark.
Bardhi tha se “Belinda Ballukun që nuk ka asnjë lloj ndjeshmërie për hallet tuaja sepse në nëse do të kishte do u kishte dhënë zgjidhje.”
Gjithashtu tha se pas “çdo buzëqeshje false fsheh miliona euro të vjedhura nga e ardhmja e fëmijëve të Fierit.”
Bardhi: Thirrja ime për ata votues që nuk e kanë ndarë mendjen. Refuzojeni arrogancën e Edi Ramës dhe Belinda Ballukut. Refuzojeni zaptimin si bandë me njerëz të importuar nga Tirana në çdo qytet të qarkut të Fierit që thjesht ju kërkojnë votën dhe do të ikin siç kanë ardhur, pa asnjë ndjeshmëri për hallet dhe shqetësimet tuaja. Mos e vendosni partinë para familjes tuaj. Ne nuk kemi luksin të gabojmë, jemi detyruar të mbajmë premtimet. Të sjellim pasuri dhe punë në çdo familje. Kemi nevojë për një qeveri njerëzore, jo banditë të veshur me pushtet që ju mashtrojnë, ju fyejnë dhe ju detyrojnë të ikni.
Partia nuk ia ndjen për ju, ka sjellë Belinda Ballukun që nuk ka asnjë lloj ndjeshmërie për hallet tuaja sepse në nëse do të kishte do u kishte dhënë zgjidhje. Partia ka sjellë dikë që pas çdo buzëqeshje false fsheh miliona euro të vjedhura nga e ardhmja e fëmijëve të Fierit.
