Trupi i shtetases palestineze e vrarë rreth 2 muaj më parë në Tiranë nga babai i saj është tërhequr nga të afërmit.
Trupi i 23-vjeçares Rayan Alwan qëndroi përgjatë gjithë kësaj kohe në morg, pasi deri më sot askush nuk ishte interesuar për të.
Mësohet se kanë qenë të afërm nga ana e nënës ata që kanë mbërritur në Tiranë për të marrë trupin e të resë.
Më 19 shkurt, Fadi dhe Rayyan Alwan erdhën në Shqipëri për herë të parë.
Ata morën një banesë me qira në rrugën “Gjon Buzuku” në Tiranë. Policia fillimisht njoftoi se ishin bashkëshortë, por pas hetimeve rezultoi se ishin babë e bijë.
49-vjeçari pas qëlloi për vdekje me thikë vajzën e tij u largua më 22 shkurt nga Rinasi dhe dyshohet se është larguar drejt Libanit.
Konfliktet me familjarët e saj dyshohet se kishin nisur pas divorcit të 24-vjeçares pasi kjo e fundit nuk po zbatonte parimet e fesë islame.
