Drejtuesi politik i PD për Qarkun e Fierit, Gazment Bardhi, së bashku me kandidaten demokrate Samena Malenaj, vizitoi fshatin Gjinoqarë të Patosit, ku vërejti nga afër gjendjen e vështirë dhe mungesën e investimeve.
Në një reagim në rrjetet sociale, Bardhi theksoi se qeveria ka qenë inekzistente në këtë zonë për 12 vjet, duke mos investuar në infrastrukturë apo në furnizimin me ujë të pijshëm. Ai akuzoi Belinda Ballukun për shpërfillje të rajonit, ndërsa tha se qindra miliona euro janë firmosur çdo vit pa sjellë ndryshime në Fier, Patos, Roskovec dhe zonat e tjera përreth.
Sipas tij, bujqësia dhe fermerët nuk kanë marrë mbështetjen e nevojshme, madje akuzoi qeverinë për keqpërdorimin e fondeve evropiane. Bardhi apeloi për ndryshim përmes votës për PD, duke premtuar një program që do të rigjallërojë fshatin dhe sektorin bujqësor.
Reagimi:
Në çdo cep të qarkut Fier për ndryshimin! Me kandidaten tonë Samena Malenaj ishim në fshatin Gjinoqarë të Patosit, një vend i bukur, por i varfër dhe i braktisur.
Prej 12 vitesh, qeveria s’ekziston. Asnjë investim. Asnjë ndihmë. Asnjë mbështetje. Një vend ku, akoma nuk ka ujë të pijshëm. Rrugët janë të shkatërruara, sepse Belinda Balluku as ka dashur t’ia dijë për Patosin, për Roskovecin, për Mallakastrën, për Divjakën, për Lushnjen, për Fierin edhe pse firmos qindra miliona euro çdo vit. Një vend që jeton me bujqësinë, por mbështetja për fermerët nuk ekziston, sepse kjo qeveri u kap duke vjedhur edhe fondet e Evropës për bujqësinë
Ndryshimi është zgjidhja! Me votën për PD dhe nr. 1do të ndryshoni jetën tuaj dhe të fëmijëve tuaj!
