Deputetja e Partisë Demokratike Ina Zhupa ka folur rreth protestës që do të mbahet me 8 shkurt nga opozita. Zhupa nënvizoi që kjo protestë do të mbahet vetëm para Kryeminsitrisë dhe nuk do të jetë si herët e tjera.
“Protesta e ka themelin te masiviteti, do të ketë njerëz nga e gjithë Shqipëria që do të vijnë në Tiranë! nuk është si e radhës së shkuar për të dalë në disa pika, por do të bëhet para Kryeministrisë dhe ky është një ndryshim nga tre protestat e shkuara.
Për mënyrën formën dhe kohëzgjatjen që do të ketë, nuk duam t’i zbulojmë. Pika jonë e fortë është masiviteti dhe kërkesat e drejta për të cilën thërritet protesta”, tha Zhupa.
Ajo ka shprehur që presin masivitet pasi çdo ditë skandalet po shtohen dhe pensionistët janë të irrituar.
“Kur ndahesh në disa pika, vizualisht nuk të tregojnë mundësinë për të perceptuar masivitetin. Presim të jetë më masive, sepse ka arritur pikën e vlimit, sepse skandalet shtohen, sepse çdo pensionist është irrituar kur ka dëgjuar se 33 mijë euro paguhet një verë”, tha Zhupa.
