Të tjera detaje kanë dalë pas vdekjes së dy personave në Tiranë. Altin Maksuti, pronari i banesës ku ndodhi ngjarja e rëndë, jetonte në Greqi dhe ishte kthyer për të bërë disa riparime në shtëpinë e tij.
Maksuti së bashku me të afërmin e tij, Vladimir Bengu kishin që mbrëmë që po riparonin banesën dhe kanë qëndruar aty për të fjetur, ndërsa gjatë natës kanë lënë ndezur bombolën e gazit për t’u ngrohur.
Dyshohet se rrjedhja e bombolës së gazit ka qenë gjatë gjithë natës, duke rezultuar fatale për të dy, nga ku janë asfiksuar. Policia është lajmëruar nga të afërmit, pasi nuk u përgjigjeshin në telefon dy viktimat.
