Lajme të mira dhe negative për Laçin. Në sfidën ndaj Tiranës pritet të kthehet nga pezullimi Enriko Papa, i cili shleu katër kartonët e verdhë. Gjithsesi, në bokse do të jetë Ledjo Tresa që ka plotësuar numrin katër të kartonëve të verdhë.
Kurbinasit janë një pikë më pak se Tirana e ndodhen në vendin e tetë. Me ardhjen e Françesko Morieros, kurbinasit nuk humbasin në shtëpi. Humbja e fundit shënohet në 28 shtator 2024. Laçi dhe Tirana do të luajnë ndeshjen e tretë këtë sezon. Në dy sfidat e para ndeshjet janë mbyllur në barazim 0-0 dhe 1-1. Nga ana tjetër, bardheblutë nuk fitojnë një ndeshje kundër kurbinasve prej majit të 2023-it.
Nga ajo ditë kanë kaluar më shumë se një vit e gjysmë dhe skuadra bardheblu e ka pasur shumë të vështirë këtë transfertë. Në gjashtë ndeshjet e luajtura, janë katër barazime, 0-0, 1-1, 2-2 dhe dy fitore të kurbinasve 3-0 dhe 1-0. Bardheblutë duhet të bëjnë maksimumin që të marrin tri pikët e rëndësishme këtë kampionat.
