Gazetari Enton Abilekaj e ka cilësuar vrasjen e 14-vjeçarit me thikë nga bashkëmoshatarët në ambientet e shkollë, një ngjarje shokuese për të cilën institucionet janë përgjegjësit kryesor.
Në një intervistë për një emision televiziv, përmes një lidhje me skype, Abilekaj tha se konflikti që përfundoi me vdekjen e adoleshentit, është për shkak të mungesës së sigurisë në shkolla, të cilat sipas tij janë bërë vende ku mund të hysh e dalësh edhe i armatosur.
Një ngjarja e tillë, shtoi Abilekaj është e paralajmëruar që në shkurt, ndërsa thekson se te të rinjtë po injektohet kultura e krimit dhe drogës.
Është ngjarja më shokuese e ditës, më shumë se kaq. Të gjithë janë të shokuar e shqetësuar për sa po ndodh, që vdiq pa fajin e askujt. Për shkak të mungesës së sigurisë në shkolla, që janë bërë vende ku mund të hysh i armatosur. Vende të pakontrolluara, pa kulturë, respekt e disiplinë. Lufta në rrjetet sociale reflektohet në shkollë, siguria e shkollës është zero.
E çuditshme që askujt s’i bën përshtypje për një rrezik kaq të madh. Kjo është ngjarje e paralajmëruar që në shkurt. Në vend që të zbardhim ngjarjen, ia vënë fajin medies për të reflektuar kjo e fundit. Kjo është kultura e krimit, me shoqëri dhe politikë të kriminalizuar. Duan të nxjerrin veten pa përgjegjësi.
Ndërtimi i një ekonomie të bazuar në para kriminale. Dhe fëmijët ku s’kanë ku të luajnë, pa palestër, detyrohen të përfundojnë të hashashi, të përfundojnë të krimi. Kanë prishur parqet ku mund të luanin dhe përfundojnë duke pirë hashash cepave të pallateve, dështim i shtetit dhe frymëzim i narko-shtetit, ndaj e ka sjellë situatën e krimit në çdo qelizë. Këto do jenë pasojat.
