Një aksident ka ndodhur këtë pasdite në aksin rrugor Pogradec-Qafë Thanë. Dy makina janë përplasur me njëra-tjetrën. Për pasojë, janë plagosur dy shoferët e mjeteve dhe një pasagjer. Aksidenti ndodhi në afërsi të fshatit Pojskë.
Gazetarja Lorena Kodra raporton për Balkanweb se si pasojë e aksidentit, është krijuar trafik. Tre ambulanca kanë mbërritur në vendngjarje.
Rreth orës 15:30, në aksin rrugor “Korçë-Pogradec”, janë përplasur automjeti tip “Benz” me drejtues shtetasin B. Xh. me automjetin tip “Seat” me drejtues shtetasin O. Xh.
Si pasojë e aksidentit janë dëmtuar të dy drejtuesit e automjeteve dhe pasagjeri në automjetin tip “Seat”, të cilët ndodhen në spital, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e rethanave të aksidentit”, njofton policia.
