Manjati i teknologjisë Elon Musk ka mbajtur kontakte të rregullta për 2 vite radhazi me presidentin e Rusisë, Vladimir Putin.
Kështë thuhet në një artikull të publikuar nga “Wall Street Journal”, e cila pretendon se ky informacion është siguruar nga nga ish-zyrtarë amerikanë, europianë dhe rusë.
Sipas medias amerikane, bisedat mes njeriut më të pasur të botës dhe antagonistit kryesor të Amerikës varionin nga ato personale deri në diskutime gjeopolitike.
Ndër të tjera, pretendohet se presidenti rus i ka kërkuar Musk që të mos mbulonte Tajvanin me internetin satelitor “Starlink”, si një favor për presidentin kinez Xi Jinping, që është dhe aleat i Putinit.
Afërsia e Musk me Putin shihet me shqetësim në SHBA, për faktin edhe sepse miliarderi zotëron kompani të mëdha si Tesla, kompaninë hapësinore SpaceX si dhe rrjetin social X, ish-Tëitteri.
Musk nuk iu përgjigj kërkesës së WSJ për koment, por zëdhënësi i Kremlinit Dmitry Peskov mohoi se Putin ishte në kontakt të rregullt me Musk.
