Një sherr mes disa shqiptarëve ka ndodhur në Selanik, ku njëri prej tyre është plagosur me thikë.
Mediat greke raportojnë se autorë të kësaj ngjarje janë dy persona të moshës 34 dhe 36-vjeçare, por identitetet e tyre nuk janë bërë publike.
Ngjarja ndodhi në Xirokrini, në pjesën perëndimore të Selanikut. Pas ngjarjes, 41-vjeçari është dërguar për mjekim në spitalin Papanikolaou.
Ndaj autorëve kanë nisur hetimi, ndërsa njëri prej tyre, 36-vjeçari, ishte në pritje të një vendimi për trafik droge dhe hyrje të paligjshme në shtetin grek.
