Një 23-vjeçar me origjinë shqiptare, nga Shelby Township, në SHBA, u akuzua sot në lidhje me tentativën e dyshuar të rrëmbimit të një vajze 7-vjeçare në Sterling Heights dhe një vajze 15-vjeçare në Clinton Township. Endi Bala akuzohet për tentativë rrëmbimi të fëmijëve, që dënohet deri në burgim të përjetshëm, nëse rezulton fajtor.
Bala u arrestua nga Policia e Sterling Heights të martën pasi dyshohet se iu afrua një vajze 7-vjeçare në Parkun e lumit Clinton North, e tërhoqi nga biçikleta dhe e futi në makinën e tij, sipas Zyrës së Prokurorit të Qarkut Macomb. Mediat e huaja shkruajnë se dëshmitarët thirrën 911 pasi panë një burrë që detyronte një vajzë 15-vjeçare të futej në një sedan të bardhë në rrugën Clinton River Road në lindje të Hayes, tha në një deklaratë për shtyp Departamenti i Policisë së Township Clinton. Vajza po ecte në rrugën Clinton River Road.
Ai dyshohet se ka kapur kokën dhe qafën e vajzës dhe ka tentuar ta fusë në makinën e tij, sipas prokurorëve. Një banor ka ndërhyrë për të ndihmuar vajzën të ikë dhe ka lajmëruar banorët e tjerë, të cilët kanë telefonuar në numrin 911, sipas prokurorëve. Magjistrati i Gjykatës së Qarkut 41-A i Sterling Heights, Michael Piatek e dërgoi Balan në burgun e qarkut Macomb.
Prokurori i çështjes, Mark Laws, kërkoi një garanci prej 5 milionë dollarësh, por avokati i Balës tha se kjo do të ishte e tepërt dhe e papërballueshme pasi ai tashmë kishte një obligacion prej 2 milionë dollarësh në Clinton Township. Laws tha se ai kishte shqetësime se Bala mund të largohej, pasi ai kishte udhëtuar në Shqipëri tre herë në gjashtë vitet e fundit.
