Flakët kanë përfshirë pasditen e sotme lagjen Qoshkë në fshatin Lapardha 1. Zjarri ka rënë në ullishtet e fshatit dhe për shkak të bimësisë së thatë dhe temperaturat e larta ka marrë përmasa të mëdha, duke rrezikuar edhe tre banesa që ndodheshin shumë pranë vatrës së zjarrit.
Gjithashtu drejt zonës së zjarrit kanë shkuar katër zjarrfikëse dhe 15 efektivë, të cilët kanë bërë të mundur lokalizimin e shpejtë të flakëve.
Pas rreth një ore, zjarrëfikësit arritën të shuajnë plotësisht flakët. Si pasojë e zjarrit, që ka qënë i qëllimshëm është djegur një sipërfaqe prej tre hektarë me ullishte. Policia po punon për identifikimin dhe kapjen e autorëve të zjarrëvënies.
